بینک میں قرض آفیسر کے طور پر کام کرنے کا کیا حکم ہے؟
سوال نمبر:5910
السلام علیکم مفتی صاحب! میں بینک میں نوکری کر رہا ہوں اور مجھے لون آفیسر کی ذمہ داری ملی ہے، جس میں کاروباری قرضہ دینا، لکھنا اور اس میں اشیاء جیسے ٹریکٹر یا زرعی آلات خرید کر دینا شامل ہیں۔ کیا میں نوکری کر سکتا ہوں؟
سوال پوچھنے والے کا نام: مہران افضل
- مقام: پاکستان
- تاریخ اشاعت: 17 دسمبر 2020ء
موضوع:بینکاری
جواب:
اگر آپ کی ذمہ داریوں میں سودی لین دین کرنا اور سودی معاملات لکھنا شامل ہے تو کوشش کریں کہ بینک کے کسی غیرسودی شعبے یا کسی غیرسودی بینک میں تبادلہ کروا لیں۔ جب تک کوئی متبادل ذمہ داری یا ملازمت نہیں ملتی تب تک یہاں ملازمت جاری رکھیں۔ جونہی متبادل ملازمت ملے اسے ترجیحاً اختیار کر لیں۔
واللہ و رسولہ اعلم بالصواب۔