کیا دوران نکاح منکوحہ کے والد کا نام غلط بولنے سے نکاح قائم ہو جاتا ہے؟
سوال نمبر:5680
السلام علیکم! میرا سوال یہ ہے کہ اگر نکاح خوان لڑکی کا نام تو درست بولے لیکن اس کے والد کا نام غلط بولے اور لڑکے اور اس کے والد کا نام درست بولے تو نکاح کا کیا حکم ہے؟
سوال پوچھنے والے کا نام: محمد ارحان
- مقام: پاکستان
- تاریخ اشاعت: 21 فروری 2020ء
موضوع:نکاح
جواب:
عاقل و بالغ لڑکے اور لڑکی کی رضامندی سے حق مہر کے بدلے گواہوں کی موجودگی میں ایجاب و قبول سے نکاح قائم ہو جاتا ہے۔ اس لیے اگر لڑکا اور لڑکی جن کا پہلے سے نکاح طے ہوچکا تھا اور گواہوں کی موجودگی میں انہی کا ایجاب و قبول کروایا گیا تو نکاح منعقد ہو گیا ہے، خواہ لڑکی کے والد کا نام غلط ہی بولا گیا ہو۔
واللہ و رسولہ اعلم بالصواب۔