وقت کی قلت کے پیشِ نظر وضو کی بجائے تیمم کرنا کیسا ہے؟
سوال نمبر:5367
السلام علیکم! وضو کے لئے جگہ کم اور وقت کی قلت ہو تو کیا تیمم کیا جاسکتا ہے؟
سوال پوچھنے والے کا نام: قاری شمس
- مقام: ملتان
- تاریخ اشاعت: 29 اپریل 2019ء
موضوع:تیمم
جواب:
نماز پنجگانہ کی ادائیگی کے لیے پانی ہوتے ہوئے صرف وقت کی قلت کے پیشِ نظر تیمم کرنا جائز نہیں ہے۔ البتہ اگر غیر ولی نمازِ جنازہ میں شریک ہونا چاہے اور وضو کر کے جنازے میں شامل ہونا ممکن نہ ہو تو تیمم کر کے جنازے میں شامل ہوسکتا ہے کیونکہ نمازِ جنازے کی قضاء نہیں ہوتی۔ نمازِ پنجگانہ کا معاملہ مختلف ہے۔ ان میں قضاء کی جاسکتی ہے۔ اس لیے نمازِ پنجگانہ میں پانی کی موجودگی کے باوجود وقت کی قلت کے پیشِ نظر وضو کو ترک نہیں کیا جاسکتا۔
واللہ و رسولہ اعلم بالصواب۔