کیا مساجد کو قومی پرچم کے رنگ میں رنگنا جائز ہے؟
سوال نمبر:4791
کیا مسجد کے میناروں کو قومی پرچم کے رنگ سے رنگنا جائز ہے؟
سوال پوچھنے والے کا نام: محمد ذاکر حسین انصاری
- مقام: تین پہاڑ، ہندوستان
- تاریخ اشاعت: 02 مئی 2018ء
موضوع:متفرق مسائل
جواب:
جو رنگ کسی دوسرے مذہب کی خاص نشانی کے طور پر استعمال نہ ہوتا ہو‘ اس سے مسجد کے میناروں کو رنگنے میں حرج نہیں۔ البتہ مساجد میں سیاسی نعروں یا سیاسی نظریات کے اظہار سے اجتناب کرنا بہتر ہے، کیونکہ اس سے مساجد عبادت گاہ کی بجائے سیاسی اکھاڑوں میں بدلنے کا اندیشہ ہوتا ہے۔ ہمارا مشورہ ہے کہ مسجد کے میناروں پر سفید یا سبز رنگ کریں، کیونکہ یہ رنگ اسلام کے علامتی اظہار کے طور پر استعمال ہوتے ہیں۔
واللہ و رسولہ اعلم بالصواب۔