کیا حادثے میں جانبحق مزدور کی دیت آجِر پر لازم ہے؟
سوال نمبر:4188
السلام علیکم! مفتی صاحب میرا سوال یہ ہے کہ اگر مستری، مزدور جو کسی گھر میں کام کر رہے ہوں، کام کے دوران لکڑی کا پھٹہ ٹوٹنے کی وجہ سے گر کر زخمی یا فوت ہو جائیں تو مالک مکان پر دیت لازم آئے گی یا ان کا علاج معالجہ وغیرہ؟ رہنمائی فرما دیں ہمارے ہاں اکثر غریب مزدور اسی طرح معذور ہو جاتے ہیں۔ اسلام اس بارے میں کیا کہتا ہے؟
سوال پوچھنے والے کا نام: محمد رضوان
- مقام: ملتان
- تاریخ اشاعت: 20 اپریل 2017ء
موضوع:حدود و تعزیرات
جواب:
ایسے حادثات میں مزدوروں کے جانبحق ہونے پر مالک یا آجر پر دیت فرض نہیں ہوتی، تاہم اس کا اخلاقی فرض اور قانونی تقاضا ہے کہ وہ مرنے والوں کے ورثاء کو امدادی رقوم دے اور زخمیوں کے اعلاج معالجے کا انتظام کرے۔
واللہ و رسولہ اعلم بالصواب۔