کیا نابالغ بچے سونے کے زیور پہن سکتے ہیں؟
سوال نمبر:3876
السلام علیکم! کیا فرماتے ہیں مفتیانِ کرام کیا نابالغ بچے کو سونے کا زیور پہنا سکتے ہیں؟ جبکہ بچے کی عمر ابھی دو۔چار سال ہو۔
سوال پوچھنے والے کا نام: اشتیاق احمد
- مقام: پاکستان
- تاریخ اشاعت: 09 اپریل 2016ء
موضوع:معاشرت
جواب:
بچے کی تربیت ایسے ماحول میں ہونی چاہیے جس میں اس کے اندر گناہوں سے نفرت کا جذبہ پیدا ہو، اور وہ اللہ اور اس کے رسول صلیٰ اللہ علیہ وآلہ وسلم کے متعین کردہ اوامر بجا لائیں اور نواہی سے دور رہے۔ بچے کے سامنے اچھا نمونہ اور معیار رکھنا ضروری ہے۔ شریعت نے سونا پہننا مرد کے لیے حرام اور باعثِ گناہ قرار دیا ہے اس لیے بچوں کو پہنانے سے اجتناب کرنا چاہیے۔ اگر پہنایا گیا تو پہنانے والے گناہ گار ہوں گے۔
واللہ و رسولہ اعلم بالصواب۔