کیا بغیر گواہوں کے نکاح منعقد ہو جاتا ہے؟
سوال نمبر:3373
السلام علیکم! کیا لڑکی لڑکے کا نکاح بغیر گواہوں کے ہو جاتا ہے؟ اگر لڑکا ورق پر لکھ دے کہ: میں نے تجھ سے نکا ح کیا، اور لڑکی قبول کر لے تو کیا حکم ہوگا؟
سوال پوچھنے والے کا نام: سفیان
- مقام: سرگودھا۔
- تاریخ اشاعت: 01 دسمبر 2014ء
موضوع:شہادت (گواہی)
جواب:
نکاح کے درست انعقاد کے لیے عاقل بالغ لڑکے لڑکی کی رضا مندی اور دو عاقل بالغ مسلمان گواہوں کی موجودگی میں بعوض حق مہر ایجاب و قبول کرنا ضروری ہے، ورنہ نکاح قائم نہیں ہوتا۔
آئمہ فقہاء فرماتے ہیں:
ولا ینعقد نکاح المسلمین الا بحضور شهدین حرین عاقلین بالغین مسلمین رجلین أو رجل و امرأتین ۔
دو مسلمانوں کا نکاح منعقد نہیں ہوتا جب تک، دو آزاد ، عاقل بالغ مسلمان مرد یا ایک مرد اور دو عورتیں گواہ موجود ہوں۔
مرغینانی ، الهدایة شرح البدایة، 1: 190، المکتبة الاسلامیة
مزید وضاحت کے لیے ملاحظہ کیجئے:
نکاح کے گواہان کی شرعی حیثیت کیا ہے؟
واللہ و رسولہ اعلم بالصواب۔