خواب میں کبوتر دیکھنا کیسا ہے؟
سوال نمبر:3274
السلام علیکم! میرا سوال یہ ہے کہ خواب میں کبوتر دیکھنا کیسا ہے؟
سوال پوچھنے والے کا نام: محمد عرفان
- مقام: پاکستان
- تاریخ اشاعت: 27 جون 2014ء
موضوع:خواب اور بشارات
جواب:
آپ نے یہ بیان نہیں کیا کہ آپ نے کبوتر کس رنگ میں دیکھا ہے، بہرحال تعبیر الرویا میں امام ابنِ سیرین رحمۃ اللہ علیہ بیان کرتے ہیں کہ اگر کوئی خواب میں دیکھے کہ اس نے کبوتر پکڑا ہے، یا کسی نے اسے دیا ہے تو یہ اس بات کی دلیل ہے کہ وہ شادی کرے گا۔ یا اگر دیکھے کہ خریدا ہے اور اس کے ہاتھ سے اڑا ہے تو یہ اس بات کی دلیل ہے کہ وہ عورت کو طلاق دے گا۔
حضرت امام جعفر صادق رحمۃ اللہ علیہ فرماتے ہیں کہ خواب میں کبوتر دیکھنا تین وجہ سے ہے:
- منفعت
- معیشت
- غم و اندوہ
واللہ و رسولہ اعلم بالصواب۔