وضو میں کون سی دعائیں پڑھنی چاہئیں؟
سوال نمبر:325
وضو میں کون سی دعائیں پڑھنی چاہئیں؟
سوال پوچھنے والے کا نام:
- تاریخ اشاعت: 26 جنوری 2011ء
موضوع:وضوء | طہارت
جواب:
وضو میں درج ذیل دعائیں پڑھنی چاہئیں :
کلی کرتے وقت کی دعا :
بِاسْمِ اﷲِ، اَللّٰهُمَّ اَعِنِّیْ عَلَی تِلَاوَةِ الْقُرْآنِ وِ ذِکْرِکَ وَ شُکْرِکَ وَ حُسْنِ عِبَادَتِکَ.
’’اﷲ کے نام سے شروع، یا اﷲ! تلاوتِ قرآن، اپنے ذکر، شکر اور اچھی طرح عبادت پر میری مدد فرما۔‘‘
ناک میں پانی ڈالتے وقت کی دعا :
بِاسْمِ اﷲِ، اَللّٰهُمَّ اَرِحْنِیْ رَائِحَةَ الْجَنَّةِ وَلَا تَرِحْنِیْ رَائِحَةَ النَّارِ.
’’اﷲ کے نام سے شروع، یا اﷲ! مجھے جنت کی خوشبو عطا کر اور جہنم کی بدبُو سے محفوظ کر۔‘‘
چہرہ دھوتے وقت کی دعا :
بِاسْمِ اﷲِ، اَللّٰهُمَّ بَيِّضْ وَجْهِیْ يَوْمَ تَبْيَضُّ وُجُوْهٌ وَّتَسْوَدُّ وُجُوْهٌ.
’’اﷲ کے نام سے شروع، یا اﷲ! اس دن میرا چہرہ سفید رکھنا جس دن بعض چہرے سفید ہوں گے اور کچھ چہرے سیاہ۔‘‘
دایاں بازو دھوتے وقت کی دعا :
بِاسْمِ اﷲِ، اَللّٰهُمَّ اَعْطِنِیْ کِتَابِیْ بِيَمِيْنِیْ وَحَاسِبْنِیْ حِسَابًا يَسِيْرًا.
’’اﷲ کے نام سے شروع، یا اﷲ! میرا نامہ اعمال میرے دائیں ہاتھ میں دینا اور میرا حساب آسان کرنا۔‘‘
بایاں بازو دھوتے وقت کی دعا :
بِاسْمِ اﷲِ، اَللّٰهُمَّ لَا تُعْطِنِیْ کِتَابِیْ بِشِمَالِیْ وَلَا مِنْ وَّرَاءِ ظَهْرِیْ.
’’اﷲ کے نام سے شروع، یا اﷲ! میرا نامہ اعمال بائیں ہاتھ میں اور پیٹھ کے پیچھے سے نہ دینا۔‘‘
سر کا مسح کرتے وقت کی دعا :
بِاسْمِ اﷲِ، اَللّٰهُمَّ اَظِلَّنِیْ تَحْتَ ظِلِّ عَرْشِکَ يَوْمَ لَا ظِلَّ اِلَّا ظِلُّ عَرْشِکَ.
’’اﷲ کے نام سے شروع، یا اﷲ! اس دن مجھے اپنے عرش کے سائے میں رکھنا جس دن تیرے عرش کے سائے کے سوا کوئی سایہ نہ ہو گا۔‘‘
کانوں کا مسح کرتے وقت کی دعا :
بِاسْمِ اﷲِ، اَللّٰهُمَّ اجْعَلْنِیْ مِنَ الَّذِيْنَ يَسْتَمِعُوْنَ الْقَوْلَ فَيَتَّبِعُوْنَ اَحْسَنَه.
’’اﷲ کے نام سے شروع، یا اﷲ! مجھے ان لوگوں میں سے کر دے جو تیری بات کو غور سے سنتے ہیں اور اچھی باتوں کی پیروی کرتے ہیں۔‘‘
گردن کا مسح کرتے وقت کی دعا :
بِاسْمِ اﷲِ، اَللّٰهُمَّ اَعْتِقْ رَقَبَتِی مِنَ النَّارِ.
’’اﷲ کے نام سے شروع، یا اﷲ! میری گردن کو جہنم کی آگ سے آزاد رکھنا۔‘‘
دایاں پاؤں دھوتے وقت کی دعا :
بِاسْمِ اﷲِ، اَللّٰهُمَّ ثَبِّتْ قَدَمِیْ عَلَی الصِّرَاطِ يَوْمَ تَزِلُّ الْاَقْدَامُ.
’’اﷲ کے نام سے شروع، یا اﷲ! اس دن پل صراط پر مجھے ثابت قدم رکھنا جب (کچھ لوگوں کے) قدم پھسلیں گے۔‘‘
بایاں پاؤں دھوتے وقت کی دعا :
بِاسْمِ اﷲِ، اَللّٰهُمَّ اجْعَلْ ذَنْبِیْ مَغْفُوْرًا وَسَعْيِیْ مَشْکُوْرًا وَتِجَارَتِیْ لَنْ تَبُوْرَ.
’’اﷲ کے نام سے شروع، یا اﷲ! میرے گناہ بخش دے، میری کوشش قبول فرما اور میری تجارت میں نقصان نہ ہو۔‘‘
واللہ و رسولہ اعلم بالصواب۔