نماز کی کتنی اقسام ہیں؟
سوال نمبر:251
نماز کی کتنی اقسام ہیں؟
سوال پوچھنے والے کا نام:
- تاریخ اشاعت: 24 جنوری 2011ء
موضوع:نماز | عبادات
جواب:
نماز کی چار اقسام ہیں :
1۔ فرض 2۔ واجب 3۔ سنت 4۔ نفل
1۔ فرض : دن میں پانچ وقت کی نمازیں فرض ہیں : فجر، ظہر، عصر، مغرب اور عشاء، یہ نمازیں ہجرت سے پہلے معراج کی رات مسلمانوں پر فرض ہوئیں۔ ان کی فرضیت کتاب و سنت اور اجماع امت سے ثابت ہے جو شخص ان کی فرضیت کا انکار کرے وہ بالاتفاق مرتد ہے، علاوہ ازیں جمعہ کی نماز مردوں پر فرض ہے جبکہ نماز جنازہ فرض کفایہ ہے۔
2۔ واجب : عیدین کی نمازیں واجب ہیں۔ علاوہ ازیں عشاء کے وقت تین وتر واجب ہیں۔
3۔ سنت : سنت نمازوں میں نمازِ تراویح اور دن میں فرض نمازِ پنجگانہ کے ساتھ ادا کی جانے والی سنن شامل ہیں۔
4۔ نفل نماز : تہجد، اشراق، چاشت، اوابین، صلوٰۃ التسبیح، صلوٰۃ الخوف، صلوٰۃ الحاجۃ وغیرہ نفل نمازیں ہیں۔
واللہ و رسولہ اعلم بالصواب۔