کیا گرمی سے بچنے کے لیے پہلی صف کو مکمل کیے بغیر دوسری صف میں پنکھے کے نیچے کھڑے ہونا جائز ہے؟
سوال نمبر:2084
ہماری مسجد میں دو پنکھے یو پی ایس پر لگے ہوئے ہیں۔ ایک پہلی صف پر ہے اور دوسرا دوسری صف پر لگا ہوا ہے۔ نمازی جماعت کے وقت گرمی کی شدت سے بچنے کے لیے پہلی صف کو مکمل کیے بغیر دوسری صف میں پنکھے کے نیچے کھڑے ہو جاتے ہیں۔ کیا ایسا کرنا ٹھیک ہے؟
سوال پوچھنے والے کا نام: محمد یاسین
- مقام: سیالکوٹ، پاکستان
- تاریخ اشاعت: 06 ستمبر 2012ء
موضوع:نمازِ باجماعت کے احکام و مسائل | جدید فقہی مسائل | عبادات
جواب:
اگر نمازی کم ہیں اور گرمی کی شدت زیادہ ہے تو آدھے پہلی صف میں اور آدھے دوسری صف میں برابر برابر کھڑے ہو جائیں اور اگر نمازی زیادہ ہیں مثلا زیادہ صفیں ہوں تو ایسی صورت میں پہلے پہلی صف مکمل کریں پھر دوسری اور اس طرح باقی صفیں۔ نمازی تھوڑے ہونے کی صورت میں جائز ہے اور زیادہ کی صورت میں پہلی صف کو مکمل کیے بغیر جائز نہیں ہے۔
واللہ و رسولہ اعلم بالصواب۔