مشینری، خام مال اور قابل ادائیگی رقم میں سے کس پر زکوۃ ادا کرنا پڑے گی؟
سوال نمبر:2013
میں ایک پرائیویٹ کمپنی کا ڈائریکٹر ہوں تو مجھے مشینری، خام مال اور قابل ادائیگی رقم میں سے کس چیز پر زکوۃ دینا پڑے گی؟
سوال پوچھنے والے کا نام: یوسف اقبال
- مقام: لا ہور، پاکستان
- تاریخ اشاعت: 07 اگست 2012ء
موضوع:زکوۃ
جواب:
- مشینری، خام مال اور قابل ادائیگی رقم پر زکوۃ فرض نہیں ہوتی۔
- آپ کے پاس جو ذخیرہ پڑا ہے اگر تو خام مال ہے تو اس پر زکوۃ فرض نہیں ہے۔ لیکن اگر خام مال سے تیار شدہ ذخیرہ مثلا جوتے وغیرہ ہوں تو پھر اس ذخیرے پر اور اس سے حاصل ہونے والے منافع پر زکوۃ فرض ہو گی۔
واللہ و رسولہ اعلم بالصواب۔