کیا جھک کر والدین کے پاؤں چھونا جائز ہے؟
سوال نمبر:2009
السلام علیکم کیا اپنی ماں کے پاؤں جھک کر ہاتھ لگانا جائز ہے؟ اور میں گناہ چھوڑنے کی بار بار کوشش کرتا ہوں لیکن نہیں چھوڑے جاتے۔ اس بارے میں بھی کوئی حل تجویز فرما دیں۔ شکریہ
سوال پوچھنے والے کا نام: ثاقب
- مقام: گجرات، پاکستان
- تاریخ اشاعت: 01 اگست 2012ء
موضوع:اولاد کے حقوق
جواب:
جھک کر والدین کے پاؤں چھونا جائز ہے اور یہ ادب میں شامل ہے شریعت میں ایسے ادب کی کوئی ممانعت نہیں ہے۔
دوسری بات یہ ہے کہ آپ زیادہ وقت کام کاج میں مصروف رہیں۔ آپ کے پاس اتنا وقت ہی نہ ہو کہ آپ کی توجہ کسی گناہ کی طرف جائے۔ مسجد میں باجماعت پنجگانہ نماز ادا کرنے کی پابندی کریں، تلاوت قرآن مجید کا معمول بنائیں اور ترجمہ وتفسیر کے ساتھ اس کو پڑھیں۔ حضور علیہ الصلاۃ والسلام پر کثرت سے درود وسلام بھیجیں، اور کثرت سے توبہ واستغفار کیا کریں۔
واللہ و رسولہ اعلم بالصواب۔